Интернет-дүкенінде сатып алу-сату келісім-шарты

1.1. Сайт «Зийлан КЗ» ЖШС-нің меншігінде және басқаруында болып табылады.

1.2. Интернет-дүкен арқылы тауарларға тапсырыс беру арқылы Клиент, төменде көрсетілген тауарларды сату шарттарымен (бұдан әрі – Шарттар деп аталады) келіседі.

1.3. Осы Шарттар, сондай-ақ Сайтта ұсынылған Тауар туралы ақпарат көпшілікке арналған оферта болып табылады.

1.4. Сатушы осы Шарттарға өзгертулер енгізу құқығын өзіне қалдырады, сол себепті Клиент «Тауарларды сату шарттары» бөлімінде жарияланған Шарттардың өзгерістерін үнемі бақылауға міндеттенеді.

1.5. Клиент, тапсырыс беру кезінде тапсырыс формасындағы «Тапсырыс рәсімдеу» түймесін басу арқылы Шарттармен келіседі.

2.1. Тапсырыс беру үшін Клиент Сайтта тіркелуі керек.

2.2. Сатушы тіркелу кезінде Клиент ұсынған мәліметтердің дәлдігі мен дұрыстығына жауапты емес.

2.3. Клиент тіркелу кезінде көрсетілген логин мен құпия сөзді үшінші тұлғаларға бермеуге міндеттенеді. Егер Клиентте оның логині мен паролінің қауіпсіздігіне немесе оларды үшінші тұлғалардың рұқсатынсыз пайдалану мүмкіндігіне қатысты қандай да бір күдік туындаған жағдайда, Клиент бұл туралы Клиенттерге қызмет көрсету орталығының мекен-жайына электрондық пошта жолдай отырып, Сатушыға дереу хабарлауға міндеттенеді.

3.1. Клиенттің тапсырысы келесі жолдармен рәсімделуі мүмкін: Тапсырыстарды тек веб-сайт арқылы өтінім беру арқылы онлайн режимінде беруге болады. Интернетте тапсырыс беру кезінде келесі қадамдар орындалады:

3.1.1. Сатып алғыңыз келетін өнімді және өлшемді таңдап, «Себетке қосу» түймесін басу арқылы таңдалған өнімді себетке қосуға болады (өлшемді таңдау үшін «Өлшем диаграммасы» бөлімін пайдалануға болады).

3.1.2. Өнімді себетке қосқаннан кейін сатып алуды жалғастыруыңызға болады немесе тапсырысыңызды аяқтау үшін "себетке өту" түймесін басу арқылы, тапсырысты аяқтай аласыз.

3.1.3. Тапсырыс беру кезінде пайдалануға болатын жеңілдік коды болса, оны «Науқан коды/Купон» жолына енгізіп, «Жіберу» түймесін басуға болады. Жеңілдік сіздің себетіңізге қолданылады. Осыдан кейін сіз сатып алуды жалғастыра аласыз.

3.1.4. Ашылған беттегі мекенжай деректерін толтырып, жалғастырыңыз.

3.1.5. Қалаған төлем әдісін таңдап, төлем мәліметтерін енгізіңіз.

3.1.6. Сатып алуды аяқтау үшін "Тапсырыс беру" түймесін басыңыз.

3.2. Тапсырыс бергеннен кейін Клиентке Тапсырысты Жеткізу қызметіне тапсырудың болжалды күні туралы ақпарат беріледі.

3.3. Егер Клиент Тауардың бір атауының бірлігінен асатын мөлшерде Тауарға Тапсырыс рәсімдеген болса және Сатушының қоймасында тапсырыс берілген Тауардың қажетті саны болмаса, Сатушы бұл туралы Клиентке электронды хабарлама жіберу арқылы хабарлайды.

3.4. Тауарды Сатушының қоймасына жеткізудің болжамды уақыты тіркеу кезінде көрсетілген электрондық пошта мекен-жайына жіберіледі.

3.5. Сайтта ұсынылған барлық ақпараттық материалдар тек анықтамалық түрде келтіріліп, Тауардың қасиеттері мен сипаттамалары, оның ішінде түстері, өлшемдері мен пішіндері туралы шынайы ақпаратты толық бере алмайды.

3.6. Тапсырыс берілген Тауарлар Сатушының қоймасында, Сатушыға байланысты емес себептерді де қоса алғанда болмаған жағдайда, Сатушы Клиенттің Тапсырысынан көрсетілген Тауарды алып тастауға және бұл туралы клиентке электрондық хабарлама жіберу арқылы хабарлауға құқылы.

4.1. Тауарлардың кейбір түрлерін жеткізу аумағы Қазақстан Республикасымен шектелген. Оларға мыналар жатады: web сайтта орналастырылған барлық тауарлар.

4.2. Сатушы Сайтта көрсетілген жеткізу мерзімдерін сақтауға бар күш-жігерін салады, алайда жеткізудің кешігуі Сатушының кінәсінен болмаған, күтпеген жағдайларға байланысты болуы мүмкін.

4.3. Тауардың кездейсоқ жоғалу немесе кездейсоқ бүліну тәуекелі Тапсырыс оған берілген және Клиент Тапсырыстың жеткізілгенін растайтын құжаттарға қол қойған сәттен бастап Клиентке тапсырылады.

4.4. Тауарларды жеткізу тәсілі. Тауарларды жеткізуді сатушы келісім шарт жасасқан курьерлік компаниялар жүзеге асырады.

4.5. Әрбір Тапсырысты жеткізу құны оның салмағына, аймағына және жеткізу әдісіне, кейде төлем формасына байланысты жеке түрде есептелінеді.

4.6. Жеткізу кезінде Тапсырыс, Тапсырысты Алушы ретінде көрсетілген тұлғаға немесе Тапсырысты алу құқығына нотариалды түрде куәландырылған сенімхат берген Алушы уәкілеттік берген тұлғаға тапсырылады.

4.7. Алаяқтық жағдайларын болдырмау, сондай-ақ 4.6-ші тармақта көзделген міндеттемелерді орындау үшін Тапсырысты жеткізуші Алдын ала төленген Тапсырысты жеткізгеннен кейін Қабылдаушыдан жеке басын куәландыратын құжатын сұрауға және Тапсырыс беру туралы түбіртекте Қабылдаушы ұсынған құжаттың түрі мен нөмірін көрсетуге құқылы. Сатушы Қабылдаушының жеке ақпаратының құпиялылығы мен қорғалуына кепілдік береді (9.3.1-ші тармақ).

5.1. Тауардың бағасы Сайтта көрсетіледі. Клиент тапсырыс берген Тауардың бағасы дұрыс көрсетілмеген жағдайда Сатушы, Тапсырысты растау немесе оның күшін жою үшін бұл туралы Клиентке мүмкіндігінше тез хабарлайды.

5.2. Сайттағы Тауардың бағасын Сатушы біржақты тәртіппен өзгерте алады. Алайда Клиент тапсырыс берген Тауардың бағасы өзгертілмейді.

5.3. Тауарлардың құнын төлеу әдістері Сайттың «Төлем әдістері» бөлімінде көрсетілген.

5.4. Тауарлардың құны алдын ала төленген кезде, Клиенттің ақшасы Сатушының банктік шотына түскеннен кейін ғана Тапсырыс өңдеуге қабылданады.

5.5. Банктік карталар арқылы тауарларды төлеу ерекшеліктері:

5.5.1. «Төлем карточкаларын шығару қағидаларын, сондай-ақ оларды Қазақстан Республикасының аумағында пайдалана отырып операцияларға қызмет көрсету жөніндегі қызметке қойылатын талаптарды бекіту туралы» Қазақстан Республикасы Ұлттық Банкі Басқармасының 2000 жылғы 24 тамыздағы № 331-ші Қаулысына сәйкес банк карталары бойынша операцияларды карта ұстаушы не ол уәкілеттік берген тұлға жасайды.

5.5.2. Тапсырыс қабылдау пунктінде банк картасы арқылы Тауарды төлеу кезінде Клиент жеке басын куәландыратын құжатты көрсетуі қажет.

5.5.3. Банктік карталар арқылы төлем жасау тәртібі Сайттың «Төлем әдістері» бөлімінде көрсетілген.

5.5.4. Банк карталары бойынша операцияларды авторизациялауды банк жүзеге асырады. Егер банктің операцияны алаяқтық деп санауға негізі болса, банк бұл операцияны жүзеге асырудан бас тартуға құқылы.

5.5.5. Қазақстан Республикасының Қылмыстық кодексіне сәйкес алаяқтық - бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену болып табылады.

5.5.6. Банк карталарымен төлем жасау кезінде алаяқтық жағдайларын болдырмау үшін Сайтта рәсімделген барлық Тапсырыстарды Сатушы тексереді.

6.1. Клиент тапсырыс берілген Тауарды алғанға дейін кезкелген уақытта, ал Тауарды алғаннан кейін болса күнтізбелік он төрт күн ішінде одан бас тартуға құқылы.

6.2. Егер көрсетілген Тауарды тек тапсырыс беруші Клиент қана пайдалана алатын болса, Клиент тиісті сапасы, жекеше анықталған қасиеттері бар Тауардан бас тартуға құқығы жоқ.

6.3. Клиенттің «Тұтынушылардың құқықтарын қорғау туралы» Қазақстан Республикасының 2010 жылғы 4 мамырдағы № 274-IV Заңының 30-шы бабында көрсетілген тиісті сападағы Тауарды қайтаруға құқығы жоқ.

6.4. Клиент сапасыз Тауарды өндірушіге немесе Сатушыға кепілдік мерзімінде, жарамдылық мерзімінде, ал егер мұндай мерзім белгіленбесе, 60 күн аспайтын қисынды мерзімде қайтарып беріп, төленген соманы қайтаруды талап ете алады.

6.5. Сатушының Клиенттен қайтарылған Тауарды жеткізу шығындарын қоспағанда, Тауар үшін төленген ақша сомасы Сатушы Клиенттің жазбаша өтінішін алған күннен бастап 30 күн ішінде Клиентке қайтарылуға жатады.

7.1. Сайттағы барлық мәтіндік ақпарат пен графикалық кескіндер Сатушының және/немесе оның жеткізушілерінің меншігі болып табылады.

8.1. Сатушы Сайтта тапсырыс берілген Тауарларды дұрыс пайдаланбау салдарынан Клиентке келтірілген зиян үшін жауапты емес.

8.2. Сатушы Сыртқы сайттардың мазмұны мен жұмысына жауапты емес.

8.3. Сатушы Клиентпен қарым-қатынасынан туындайтын өз құқықтары мен міндеттерін үшінші тұлғаларға қайта беруге немесе қандай да бір өзге тәсілмен беруге құқылы.

9.1. Клиенттің келесідей ақпарат беруі:

9.1.1. Сайтта тіркелу кезінде Клиент келесі ақпаратты ұсынады: тегі, аты, электрондық пошта мекенжайы, телефон нөмірі және жынысын көрсетеді.

9.2. Клиент ұсынған және Сатушы алған ақпаратты пайдалану.

9.2.1. Сатушы ақпаратты келесідей пайдаланады:

- Клиентті Сайтта тіркеу үшін;

- Клиент алдындағы өз міндеттемелерін орындау үшін;

- Сайттың жұмысын бағалау және талдау үшін;

- Сатушы өткізетін акциялардың жеңімпазын анықтау үшін.

9.2.2. Сатушы Клиентке жарнама-хабар сипатындағы хабарламаларды жіберуге құқылы.

9.3. Сатушы алған ақпаратты жариялау:

9.3.1. Сатушы Клиенттен алынған ақпаратты жарияламауға міндеттенеді.

9.3.2. Негізделген және қолданылатын заң талаптарына сәйкес ақпаратты жария ету міндеттемелерді бұзу болып саналмайды.

9.4. Сатушы «Cookies» технологиясын пайдалануға құқылы.

9.5. Сатушы сайтқа кірушінің IP-мекен-жайы туралы ақпаратты алады.

9.6. Сатушы Клиенттің Сайтта жалпыға қолжетімді түрде берген ақпараты үшін жауапкершілікке тартылмайды.

10.1. Клиент пен Сатушы арасындағы қатынастарға Қазақстан Республикасының заңнамасы қолданылады.

10.2. Клиенттің қандай да бір сұрақтары немесе шағымдары туындаса, ол Сатушының тұтынушыларға қызмет көрсету орталығына телефон арқылы немесе веб-сайттағы Кері байланыс нысаны арқылы хабарласуы керек.

10.3. Соттың осы Шарттар мен ережелердің қандай да бір ережесін жарамсыз деп тануы, қалған қағидалардың жарамсыздығына әкеп соқпайды.